زجل للصوم الأربعيني - بقلم: اسماء طنوس من المكر
بْدينا بالصّـومِ الِكْبيـر___ بالصّومِ الأربعـيـني
صورة شخصية - اسماء طنوس المكر
الصوم لِأجلِ التّكفير___ تَالغُفــرانِ يِعطــينـي
__________________________
يا صايِم صالِح رَبَّك ___ وِالتَّوْبِه أُطلُـب مٍنّــو
راح يِغفِرلَك وِيْحِبّك ___ ما بتِقدر تِبعِد عَنّـــو
مَهما كان كْبير ذَنبَك ___ بِتْظَلَّـــك إنــتَ إبنـو
ما بيِغضَب أوْبيعاتْبَك___شوأخْطيت مْنِ سْنينِ
__________________________
رُحْ صالِح خَيَّك بِالدّار___ وخَيَّك في الإنسانِيِّه
إنسَ ال بينكوياللّي صار___ تَتِربـحِ الأبَـــدِيِّــه
رَبَّــك حَنـــون وغَفّــار ___ غافِرلَك الخطِيِّـــه
لا تْـــقَــدٍّم أيَّ أعـــذار ___قُلْ من ذنبي إعْفيني
___________________________
شو بَدَّك أكثر مِن هيك ___ غُفرانُه لَك مَجّـانـي
كُلّ الخطايا ال عَليــك ___ راح يِمحيها بْثَواني
شَرْط تْقولُّه راجع ليك ___ما بْعود لِلْخطا ثانـي
بالنِّعَــم راح يْمَــلّــيـك ___ وِتْقول رَبّي ما نسيني
___________________________
وِالصّوم بينَظّف قْلوب___ لَمّا الِقْلوب تْصـافـــي
والخطيِّه كَالمكــروب ___ ما بِتشوف فيهاالعافيه
بالصّلى الحِقِد بيذوب ___ بِتِمْلا بالحُــبِّ الدّافــي
بتِلقى حالَك المحبوب ___ بِتْـقول ربّي عاطــيني
من هنا وهناك
-
‘ اللهُ المُصَوِّر ‘ - بقلم : كمال إبراهيم
-
‘ساعةُ الصفر‘ - بقلم: سليم السعدي
-
‘المتعبون في الدنيا‘ - بقلم : سليم السعدي
-
قصة بعنوان ‘للعدالة أوجه متعددة‘ - بقلم: الكاتبة أسماء الياس من البعنة
-
‘ وغَفَتْ هديل ‘ - قصّة للكبار والصغار : زهير دعيم
-
‘جمرات وتنّور‘ - بقلم : زهير دعيم
-
قصة بعنوان ‘جسور الحياة‘ - بقلم: الكاتبة اسماء الياس من البعنة
-
‘حين لا يكون الماضي عبئًا… بل معلّمًا‘ - بقلم: عنات ملا حاج من يركا
-
‘وسمعت السّماء‘ - قصّة للأطفال بقلم: زهير دعيم
-
‘ آفة القتْل والإجرام ‘ - بقلم: كمال إبراهيم
إعلانات
إعلانات
أرسل خبرا