زجل ‘الشَّكُّ من قلَّةِ الإيمان‘ - بقلم: أسماء طنوس من المكر
خَلِّ في قلبَك يَقين ---- إنَّك ماشي في الإيمان والرَّبّ هُوَّ المُعين ---- مِش راح تِفشَل يا إنسان
أسماء طنوس - صورة شخصية
بِالشَّكِّ ما بتِتقَدَّم ---- بتِبقى واقـف مَحَـلَّك
آمالَك راح تِتهَدَّم ---- لَمّـا الخـوف ِ بيُدخُـلَّك
بالآخِر راح تِتنَدَّم ---- بَعد ما يصْحى عقلَك
بيكون قلبَك انصدَم---- وبتلاقي حالَك ندمان
___________
والشَّكِ مِنِ الشَّيطان ---- هَالسّاعي لِتَدميرَك
بيخَلّيك دايماً كسلان ---- تَيخَرِّبلَـك مَصيرَك
فِكرَك بيظَلُّه سَرحان ----ما بيِصَحّي ضميرَك
عَقلَك نايِم مِش سألان----غايِب وَعيَك وسَكران
__________
قُمْ إسْعَ وَرا النَّجاح ---- حُط الهدف قُدّامَك
بِالتَّصميمِ راح تِرتاح ---- راح تِسرِع بِأقدامَك
وِالعَزِم هُوَّ المِفتاح ----راح توصَل لِأهدافَك
وراح بيرَفرِفلَك جناح ---- وقلبَك بيغَنّي فرحان
من هنا وهناك
-
قصة بعنوان ‘سفر بلا عودة‘ - بقلم: الكاتبة اسماء الياس من البعنة
-
‘الجوع والفقر‘ - بقلم: كمال إبراهيم
-
قصة قصيرة : ‘فخٌّ في المقعد الخلفي‘ - بقلم: اسعد عبدالله عبدعلي
-
قصة بعنوان ‘أين المصير‘ - بقلم: الكاتبة أسماء الياس من البعنة
-
موشحات للزيتون بقلم: أسماء طنوس- المكر
-
‘نادي الأحبّة يُعطّر نابلس‘ - بقلم: زهير دعيم
-
‘ شتاءُ الخَير ‘ - بقلم: كمال إبراهيم
-
موشحات ‘يا قُدْسَ الأقداس‘ - بقلم: أسماء طنوس
-
‘عَ النّاصرَة‘ - بقلم: زهير دعيم
-
‘أنا بن غفير‘ - بقلم: هادي زاهر
إعلانات
إعلانات
أرسل خبرا