مي عمر توجه رسالة غاضبة لأحد زملائها بعد حديثه عن الترند
شنت الفنانة مي عمر عبر منشور وضعته على حسابها الخاص بـ"فيسبوك" هجومًا حادًا على أحد زملاء المهنة وصفته بأنه ليس ممثلاً، بسبب هجومه على الترند خلال موسم رمضان، ليفاجئ الجميع بفرحته بعد دخول مسلسله الذي يعرض حالياً الترند.
مي عمر توجّه رسالة خاصة لزوجها محمد سامي في يوم ميلاده
وأعربت مي عن غضبها، قائلة: زميل، (مش ممثل)، وكنت بعتبره صديق، طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد، والبوست كان كله بقى: (التريند مش هدف الشغلانة) و(إحنا بنشتغل عشان الفن مش الأرقام).. كلام تنظير وفزلكة على أعلى مستوى".
تابعت: "أنا ساعتها قلت مش هرد، وكنت سايبة الأيام تكشف، عشان كنت عارفة إن عنده مسلسل هيتذاع أوف سيزون، وأول ما يقرب من أي ترند حتى لو دخل رقم عشرة نص ساعة، هيبقى مش مصدق نفسه وهيقعد يشارك ويحتفل كأنه فتح القدس".
وأضافت: "وفعلا.. مكدبش خبر! أول ما مسلسله دخل الترند، بقى بيشارك فرحان إنه (رقم واحد)، الله! هو الترند كان وحش في رمضان وبقى جميل دلوقتي؟".
واستكملت مي عمر حديثها قائلة: "طبعا أنا مش ضد إن أي حد يفرح بنجاحه، بالعكس مبروك والله، ومن حقك تفرح وتشارك لإن ده تعبك ومجهودك، بس ياريت نبطل المنظر بتاع: (أنا مختلف… أنا فوق التريندات) وبعد كده أول ما نقرب منها نطير من الفرح وننشر 20 ستوري".
مي عمر: لا أوجه كلامي لأي نجم شارك في العمل
واختتمت مي عمر منشورها بقولها: "أنا عارفة إن أي حد يعرفني كويس هيستغرب من كلامي، لأني عمري ما رديت على حد، بس بجد ليه إحنا شطار جدًا في إننا نحرّم على غيرنا حاجة، ولما تيجي في ملعبنا تبقى فجأة أحلى حاجة في الدنيا؟ في الآخر، الترند مش هدف، غير لما يبقى معانا، للتوضيح، كلامي مش موجّه لأي نجوم شاركوا في العمل بالعكس أنا بقدّرهم وبحترمهم علشان ماحدش يفهمني غلط".
يُذكر أن مي عمر شاركت في رمضان الماضي بمسلسل "إش إش"، والذي حقّق نجاحًا كبيرًا طوال فترة عرضه، وضم العمل كلًا من: ماجد المصري، انتصار، دينا، هالة صدقي، ندى موسى، إيهاب فهمي، محمد الشرنوبي، وغيرهم، تأليف وإخراج محمد سامي.
صورة نشرتها الفنانة مي عمر على صفحتها الانستغرام - تصوير: @youssef_shawky_photography
صورة نشرتها الفنانة مي عمر على صفحتها الانستغرام - تصوير: @youssef_shawky_photography
من هنا وهناك
-
رسالة واضحة من هيفاء وهبي بعد جدل الفيديو مع نور علي
-
نجلاء بدر تتحدث عن سنّ اليأس وغياب الوعي لدى النساء والرجال
-
رغم غيابه... أحمد حلمي بتعليق رومانسي على تكريم منى زكي في الجونة
-
إلهام شاهين: منتجو السينما أصبحوا قليلين والتوزيع مافيا والرقابة مُحبِطة
-
حسن الرداد ورامي رضوان يعلّقان على عودة ‘نيللي وشيريهان‘ لدنيا وإيمي سمير غانم
-
نانسي عجرم تطرح كليب أحدث أغانيها ‘بستفزك‘
-
نقابة ممثلين أمريكية تمنح آل باتشينو جائزة عن مجمل أعماله
-
لقاء سويدان تتقدّم ببلاغ ضد جارها بتهم الاعتداء والضرر
-
دانييلا رحمة تتألق في يوم ميلادها مع ناصيف زيتون
-
عبير صبري تثير التساؤلات بمنشور عن الفساد والرشوة والمحسوبية
إعلانات
إعلانات
أرسل خبرا