أسما شريف منير تهاجم مظاهر الاستعراض في الساحل
نشرت الإعلامية أسما شريف منير، على حسابها الخاص بـ"إنستغرام" مجموعة من الصور وعلقت عليها بمنشور طويل انتقدت فيه تهافت الناس على الذهاب للساحل، واصفة ذلك بـ"سباق المناظر".
أسما شريف منير ترد على منتقدي زواجها الثالث
وكتبت أسما في منشورها: "الحمد لله إن أنا وجوزي وبنتي، مش بنجري ورا سباق الساحل، إحنا بنلاقي نفسنا في أماكن زي سينا، البحر الأحمر، نويبع، ودهب، لأن هناك الكلام كله عن الطبيعة، وعن إزاي نقعد ناكل مع بعض ونجمع نفسنا على حاجات بسيطة فيها خير".
وتابعت: "زمان كنا بنروح إسكندرية أو العجمي، ونفتكر الذكريات البسيطة زي آيس كريم من صابر، سمك من عند أبو أشرف، والليل اللي كنا نقعد فيه قدام التلفزيون ناكل جبنة وبطيخ، كانت لحظات صغيرة بس مليانة دفء وحب، وهي دي اللي فضلت جوانا".
وأكملت: "على عكس الساحل دلوقتي اللي بقى الناس فيه كلها بتتكلم عن مين لابس إيه وقاعد فين وعنده إيه، إحنا بنحب نبعد عن ده كله، ونتمسك بالأماكن اللي لسه فيها روح الطبيعة والبساطة".
وأضافت: "خلوا دايمًا القيمة في إنكم تكونوا على طبيعتكم، بعيد عن سباق المظاهر، دي الذكريات اللي بتبقى، وهي دي الحاجات اللي فعلاً بتدي للحياة معناها الحقيقي".
واختتمت: "ولازم نفتكر كمان إن الأطفال لما يعيشوا حياة بسيطة بعيد عن الضغوط والمظاهر، بيعرفوا نفسهم أكتر، بيتواصلوا مع اللي حواليهم بصدق، وبيبقوا واثقين وآمنين، بدل ما يستخبوا ورا ماركة أو شكل، البساطة مش بس راحة، دي كمان تربية على الأمان الداخلي".
أسما شريف منير تتحدث عن كواليس تعرفها بزوجها
يذكر أن أسما شريف منير كانت قد تحدثت عن كواليس تعرفها على زوجها أحمد شامل عزمي، وذلك بعد احتفالهما بزفافهما، في حفل بسيط اقتصر على حضور الأهل والأصدقاء المقربين فقط.
وقالت أسما في مقطع فيديو لها عبر حسابها الرسمي على "إنستغرام": "أحمد ظهر في حياتي بشكل مفاجئ كأنه طلع لي من تحت الأرض، وكنت أتمنى أن أتزوج وربنا يكرمني بموضوع الزواج، قابلته في شغلي وكان جاي يدي ورش واتعرفنا على بعض ولقيته مختلف جدًا ومش شبه أي حد في حياتي".
وأضافت :"كان بيرقص رقص معاصر وكان من أشطر الناس اللي كانوا بيرقصوا هذه النوعية، هو رجع فكرني إن في حاجات مش عادي وبنتعلم مع بعض حاجات وفي نيتنا أن نمشي في طريق ربنا ونحترم علاقتنا، ولقيته مختلف وغير الناس اللي أعرفهم، لقيته حد طيب عايز يبني حياة محترمة".
صورة نشرتها الفنانة اسما شريف على صفحتها بالانستغرام - بدون كريديت
من هنا وهناك
-
الصدفة تقود أحمد مكي لاختيار رحمة أحمد بدلاً من دنيا سمير غانم
-
ياسمين عبد العزيز وأحمد السقا يعودان الى القاهرة لاستكمال تصوير فيلمهما
-
نيللي كريم تحتفل بهدف إمام عاشور على طريقتها الخاصة
-
صبا مبارك تكشف: اعتزلت التمثيل لمدة عامين!
-
دينا فؤاد تزور مؤسّسة ‘بهية‘ لمحارِبات السرطان
-
ليلى علوي تعلن موعد عرض فيلمها الجديد مع بيومي فؤاد
-
إلهام الفضالة تردّ بشكل حاسم على خبر حملها
-
ميرنا جميل تكشف سر ظهورها بخسارة وزن واضحة
-
مي فاروق: أتمنى تقديم أغان باللهجة الخليجية
-
إلهام شاهين توجّه رسالة مؤثرة الى شقيقها أمير وزوجته
إعلانات
إعلانات
أرسل خبرا