شقيق ياسمين عبد العزيز يكشف أسباب خلافه معها ووصيته الأخيرة الغريبة
خلال استضافته في برنامج تلفزيوني، تحدث الفنان وائل عبدالعزيز أخيراً، عن تفاصيل خلافه مع شقيقته النجمة ياسمين عبدالعزيز، وعلاقته لطليقها النجم احمد العوضي، كاشفاً عن وصيته الأخيرة.
ياسمين عبد العزيز تحتفل بتصدّر حلقتها مع منى الشاذلي منصات المشاهدة
وأوضح الفنان المصري أن خلافه مع شقيقته فقال بعفوية: "واحد اختلف مع أخته على شخص، كنت شايف إن هو يعني في حاجة تانية غير إنه يبقى حب، أنا شفت فيه اختلاف وحسيت إنه مش ده، ويمكن أنا اتصرفت غلط، بس اللي صار خلاف عادي بين أخ وأخته، والموضوع راح لحاله وخلاص".
وتابع: "بالنسبة لي دي خناقة حصلت وموضوع فيه اختلاف في وجهات النظر، وخوف مني عليها، لأن هو ده الأساسي اللي بيحركني دايما، وأنا فعلاً بخاف عليها، بس اكتشفت إن خوفي عليها بيسبب لي أنا مشاكل"، مضيفاً "طب أبطل أخاف، ما أنا لو بطلت أخاف مش هبقى أخ. ولو خفت هتهاجم، ولو خفت في حدود المطلوب هبقى وسطي، ولو خفت خوف الأخ الطبيعي هبقى أوفر، أعمل إيه؟ يعني الموضوع انتهى دلوقتي، ما فيش مشاكل ما بينا الحمد لله، ولا هيبقى فيه مشاكل، الموضوع انتهى وكانت تجربة وإحنا بنتعلم، بنمشي على طول نتعلم. تمام، اللي حصل حصل".
وعن استعداده للعمل مع النجمة ياسمين مجددا، قال: "لو جالي فرصة أعمل معاها، هوافق طبعا. أي حد يتمنى يشتغل معاها لأنها نجمة وشاطرة وشغلها حلو جدا. وأي حد بيظهر معاها بيطلع وينجح ويبقى نجم".
وبسؤاله عما إذا كان مستعدا للمشاركة في عمل من بطولة العوضي، أجاب: "موافق أعمله بس يبقى مكتوب كويس وليا مساحتي ومحدش يتدخل في الدور. بس أنا ولا بتضرب ولا بيتحط عليا، والمشاهد اللي هعملها تتكتب صح ومحدش يتدخل في السيناريو، لو الدور عاجبني وفي مساحتي ومميز ليه لا، أنا معنديش مشاكل مع حد".
وعن وصيته الأخيرة، قال وائل: "الوصية دي أنا عايز بس الناس تفهم أنا كتبتها ليه، أنا كاتبها من اللي أنا بشوفه، أنا بشوف مهازل بتحصل، يعني أنا في دفنة أبويا الله يرحمه، أنا مسكت نفسي لدرجة لا تتخيّليها، قلة أدب وزحام، وإحنا نازلين بيه شايلينه".
وأضاف: "أنا كنت بتضرب من ضهري عشان أتصور، فقلت يا جماعة محدش يحضر ليا. أنا مش عايز حد يحضر لي، اللي يجي هيدفني وشكرا. ابقى ادعيلي يا عم، إدعيلي في بيتك. أنا مش عايز حد يجيلي، يعني أنا حر، أنا شايف إن أنا عايز أموت موتة هادية، مش محتاج كل ده وكل الغلط ده".
صور نشرتها الفنانة على صفحتها الانستغرام -بدون كريدت
من هنا وهناك
-
إيمي ودنيا سمير غانم في تعاون جديد على المسرح
-
عمرو محمود ياسين يرد على انتقاد ياسمين عبد العزيز في ‘وننسى اللي كان‘
-
هالة صدقي تتقدّم ببلاغ ضد مستخدم ‘تيك توك‘ بتهمة الإساءة الى سمعتها
-
ليلى علوي تتحدث عن دورها في فيلمها الخامس مع بيومي فؤاد
-
هبة نور تطل على جمهورها من جديد
-
مشروع مسرحي جديد يجمع دنيا وإيمي سمير من إخراج خالد جلال
-
روان بن حسين تلهو مع طفلتها بفيديو لطيف
-
مايا دياب بلفتة إنسانية مؤثرة مع شاب مصاب بالسرطان
-
منة فضالي توجّه رسالة الى يسرا في الاحتفال بيوم ميلادها
-
لقاء الخميسي توجّه رسالة الى السيدات... ومتابعوها يتساءلون
إعلانات
إعلانات
أرسل خبرا