دينا الشربيني : ‘أتمنى تقديم الفوازير لأني أحب الاستعراض‘
كشفت الفنانة دينا الشربيني في تصريحات إعلامية على هامش مشاركتها في "موسم الرياض" بمسرحيتها الجديدة "حاوريني يا كيكي" عن علاقتها بوالدها قبل وفاته، مشيرةً إلى أنها شعرت بالانكسار بعد رحيله،
صورة نشرها الفنانة على صفحتها بالانستجرام : تصوير@soma_photography19
كما تحدثت عن آخر أفلامها، فيلم "الهنا إللي أنا فيه"، المقرر عرضه في 15 كانون الأول (ديسمبر) الجاري. وقالت دينا: "أنا فخورة بوالدي بزيادة، وأنا من يوم ما اتولدت وأنا عارفة قيمته وهو كان كل حاجة في حياتي، لما توفي عرفت إن الدنيا مش مستاهلة... ولو عندك خمس دقايق روح بوس إيد أهلك وأمشي".
وأضافت الشربيني أن علاقتها بوالديها كانت ولا تزال جيدة، موضحةً: "طبيعة شغلي غصب عني شهور مش بنام، ويومك مقلوب، فحتى لما كنت بروح لهم كنت بنام وإحنا قاعدين عادي، ولو أنا كنت عارفة إنه هيموت كنت هأجّل حاجات كتير أوي، البنت بتكون قوية لحد ما تفقد أبوها بتتكسر، مفيش حد هيتقارن بالأب، وأخويا سندي بعد أبويا". كما كشفت دينا عن أمنيتها في الفن، مؤكدةً حماستها لتقديم الفوازير، بالقول: "أنا بحب الاستعراض أوي، ونفسي أعمل فوازير، بس هي صعبة أوي، فيه ناس علامة في المجال ده شريهان ونيللي، وقابلت شريهان مرة وقلتلها قد إيه أنا بحبها".
وتحدثت دينا الشربيني عن فيلمها "الهنا اللي أنا فيه"، فقالت: "الفيلم من البوستر يوحي أنه بيتكلم عن اتنين أصحاب هيتجوزوا نفس الراجل بس لما تشوفوه هتفهموا أكتر، الفيلم مكتوب حلو جداً، وأستاذ خالد مرعي اشتغلت معاه قبل كده، ومن زمان نفسي أشتغل مع كريم محمود عبد العزيز عشان عمرنا ما اشتغلنا مع بعض، وأنا وياسمين رئيس لما بنشتغل مع بعض بتبقى حاجة تحفة، وفيه فيلم تاني مع عمرو يوسف وإحنا عِشرة مش أول مرة نشتغل سوا يعني والفيلم حلو جداً".
من هنا وهناك
-
ليلى علوي في لبنان: أناقة عفوية ورسالة حب مع راغب علامة قبل موريكس دور
-
مأدبة سمك.. كواليس استضافة أحلام ماجد المهندس في منزلها الباريسي
-
راندا البحيري تكشف تطورات حالتها الصحية بعد العملية الجراحية
-
زوج أسماء أبو اليزيد ينشر أول صورة لابنته وزوجته بعد الولادة
-
تفاعل ساخر من محبي سلمى أبو ضيف مع مشهد الحادث بسبب الدوبلير
-
تامر حسني يلبي طلبات متابعيه ويكشف عن مفاجأة حول ألبومه الأخير
-
سوزان نجم الدين تكشف أسرارا من حياتها الشخصية
-
انفراجة في مسلسل ‘ابن النصابة‘ لكندة علوش
-
تطورات جديدة في رحلة شفاء هبة مجدي من المرض
-
ريهام سعيد تفجر مفاجأة: هل تسبب زواج طليق ياسمين أبو النجا بوفاتها؟
إعلانات
إعلانات
أرسل خبرا