زجل ‘ نَخْرُ العُنف بالمجتمع كَالسّوسِ بالأسنان‘ - بقلم: اسماء طنوس من المكر
18-05-2024 05:49:01
اخر تحديث: 22-05-2024 08:00:00
ألله خلقنا بهالدّني تنكون سوى إخوان
صورة شخصية - اسماء طنوس المكر
___________________________________________
وقال امْلُكوا هالأرض وِتْمتّعـوا فيـها
وكونوا دَعِـم لبعـض كَحجـارِةِ البُنيـان
خَلّوا قلوبكُــم سوى والحُـب حاويـهـا
إبنوا المحبِّه عَالصّخِر الِمعَزَّزِ بأركان
وخَلّوها تكبر تِنتِــعِش تِعلى علاليـهـا
ولَمّا نَخَرها السّوس كَالنّخرِ بالأسنان
تزَعزَعت أركانُه وباللّي انبنى علَيْها
وراح انتشر العُنف صار بكُلِّ مكـان
ورُحنا فقـدنا الرّاحه ما عُـدنا نِلقيـهـا
بغَدْرِ وقـتِل وطَـخ برْصـاصِ كمــان
وِتْفكّكَت الِقلوب بالشّـرِّ اللي غاويهـا
مات السّلام عالأرض ماعادلُه مكان
والشّــر حَـلّ بِقْلـوب طَـفّـى أمانـيـها
وصار العُنُف في كُــل بلـد عِنــوان
ولَـطَّــخ بِشَــرُّه بلاد سَــوَّد أساميـهـا
لازم علاجُه قبِــل ما يْفـوتِ الأوان
بالتّربيِه والدّين وندوات يِتَّعِظوا بيها
من هنا وهناك
-
قصة بعنوان ‘سفر بلا عودة‘ - بقلم: الكاتبة اسماء الياس من البعنة
-
‘الجوع والفقر‘ - بقلم: كمال إبراهيم
-
قصة قصيرة : ‘فخٌّ في المقعد الخلفي‘ - بقلم: اسعد عبدالله عبدعلي
-
قصة بعنوان ‘أين المصير‘ - بقلم: الكاتبة أسماء الياس من البعنة
-
موشحات للزيتون بقلم: أسماء طنوس- المكر
-
‘نادي الأحبّة يُعطّر نابلس‘ - بقلم: زهير دعيم
-
‘ شتاءُ الخَير ‘ - بقلم: كمال إبراهيم
-
موشحات ‘يا قُدْسَ الأقداس‘ - بقلم: أسماء طنوس
-
‘عَ النّاصرَة‘ - بقلم: زهير دعيم
-
‘أنا بن غفير‘ - بقلم: هادي زاهر
إعلانات
إعلانات
أرسل خبرا