‘وزنه 175 كيلوغراماً ووبيعرج برجله‘.. حورية فرغلي تتحدث عن ‘حب حياتها‘
تحدثت الممثلة المصرية حورية فرغلي عن الشخص الذي تعتبره حب حياتها وكان خطيبها خلال لقائها مع الإعلامي تامر شلتوت، في برنامج في العمق، واشارت الى انها لم تعرف الحب الحقيقي الا معه :
صورة نشرتها الفنانة على صفحتها الانستغرام - تصوير:بدون كريدت
"أنا شُفت الحب مرة واحدة في حياتي سنة 2002، مع خطيبي اللي توفى، ومن بعده محبتش حد تاني رغم مرور 21 سنة، خطيبي اللي مات كان 175 كيلو، وكان عنده مشكلة في رجله الشمال، فكان بيذق، وكنا قد بعض في السن.
وأضافت: "رغم مرضه لكن كنت بشوفه أحلى راجل في الدنيا، والناس كلها تقول إيه الجنان ده، لكن مكنتش ببص لكلامهم بصيت لقلبه واللي جواه، كفاية أني سامعة صوته، كفاية وجوده في المكان ريحة برفانه، من ساعة ما مات وأنا مش لاقية حد غيره."
وتابعت: "قضينا سنتين سوا متخانقناش مرة، كل ما أطلع الاولى في الفروسية أروح البيت ألاقية جايب لي تورتة كبيرة عليها صورتي ولعب، بدور على حبه مش لاقية، ساعات بقول لنفسي أنا شُفت الحب ده كله ليه لما في الآخر هيتاخد مني، لكن ربنا اللي عايز كدة."
كما تكلمت عن مرحلة ما بعد وفاته: "من بعد وفاته مرتبطش بحد ولا حد أتقدم لي، رغم مرور 21 سنة مشوفتش زيه، مش عارفة ليه، بتحب كتير بس بتصدم لما أعرف السن، وفي شاب بعت لي رسالة طويلة يعبر فيها عن حبه لي، قلت له أنت عندك كام سنة، قالي 22 سنة قُلت له انت قولي يا طنط."
وعن حياتها الحلية قالت: "أنا معنديش صحاب ومبخرجش خالص، وبحب الحيوانات جدًا، كان عندي 13 كلب دلوقتي بقا 1، وعندي 8 أحصنة، مبخرجش مع الناس لان محدش بيعزمني على حاجة، اتعودت اعيش لواحدي وبراحتي، بيتهئلي لو أتجوزت مش هستحمل حد ينام جمبي على السرير، كمان هيبق في مشكلة، لأني بحب أمشي في شقتي براحتي واجري مع الكلاب، مش شرط كل يوم ميكب وشعر ورموش، أنا باكل ضوافري أصلا."
صورة نشرتها الفنانة على صفحتها الانستغرام - تصوير:بدون كريدت
صورة نشرتها الفنانة على صفحتها الانستغرام - تصوير:بدون كريدت
من هنا وهناك
-
ناقدة فنية تدافع عن أسماء جلال بعد انتقادات ظهورها في ‘السلم والثعبان 2‘
-
رامي وداليدا عياش يحتفلان بيوم ميلاد ابنهما بصور خاصة
-
والد أحمد العوضي يثير الجدل بتصريحاته عن ياسمين عبد العزيز
-
نجلاء بدر توضح أسباب زيارتها مركزاً لعلاج أطفال التوحّد
-
روان بن حسين تتراجع عن قرار العودة إلى السوشيال ميديا
-
مي عز الدين ستبدأ تصوير مسلسل ‘قبل وبعد‘ عقب إجازة العيد
-
ريهام عبد الغفور توجّه رسالة الى الداعمين لها بعد نجاحها في رمضان
-
لقاء الخميسي: لن أقبل أن يتكرر زواج محمد عبد المنصف مرة أخرى
-
مي عمر وأحمد العوضي يغادران الى المجر لبدء تصوير ‘شمشون ودليلة‘
-
يسرا اللوزي تكشف رأيها في لقب ‘أم البنات‘
إعلانات
إعلانات
أرسل خبرا