زجل :‘ كُن نوراً ومِلحاً ‘ - بقلم : أسماء طنوس من المكر
زجل كُن نوراً ومِلحاً بقلم أسماء طنوس المكر القلب اللّي مشَعْشَع بالنّور__ ضَوّيهِ عَكُلِّ الِقـلـوبِ
أسماء طنوس - صورة شخصية
سْراجَك مش لازم تخفيه __ خَلّيه ينَوِّر عَالِدْروب
____________________________
نـور ال فـيـك مْنِ الإلـه __ أعْطِ ما أعطى رَبَّــك
مـا إلَـك فَــضِـل لَـوْلاه __ كُنت مْعَثَّر في دَربَــك
بأعـمـالَـك مَـجِّـدِ الـلّـه __ يا اللّي أعطاك وحَبَّـك
عَظِّـم رَبَّـك في سَـمـاه __ يا اللّي نَقّاك المحبـوب
____________________________
خَلّيك ملحاً بينِ النّاس __ نَـتْـداوي قـلـوب البـشــر
المحَـبِّـه هِيِّ الأسـاس __ بِتْـلَـيِّـن قَــلــب الحـجــر
بِتداوي القلب الحَسّاس__ يااللّـي مِن هَمُّـه انـكَسَـر
كلامَك لَوْ كان رصاص_بتِقْضي عَالقلبِ المَغلوب
_____________________________
ولَـوْ فَسَـد ما بيـِتْصَلَّح __ تَحْـت الرِّجْليــن بْيِنـداس
وِالمِـلِـح مـا بيِـتـمَـلَّـح __ بيِفقِد طَعمُه في الأســاس
خَــلّيـك قلِـب بِتْفـَـرَّح __ جُرعِة خمـرَة مِنِ الكـاس
وِاللّي فيك بيِـتـصَبَّـح __بتِشرِق شمسُه في الِغروب
من هنا وهناك
-
قصة بعنوان ‘سفر بلا عودة‘ - بقلم: الكاتبة اسماء الياس من البعنة
-
‘الجوع والفقر‘ - بقلم: كمال إبراهيم
-
قصة قصيرة : ‘فخٌّ في المقعد الخلفي‘ - بقلم: اسعد عبدالله عبدعلي
-
قصة بعنوان ‘أين المصير‘ - بقلم: الكاتبة أسماء الياس من البعنة
-
موشحات للزيتون بقلم: أسماء طنوس- المكر
-
‘نادي الأحبّة يُعطّر نابلس‘ - بقلم: زهير دعيم
-
‘ شتاءُ الخَير ‘ - بقلم: كمال إبراهيم
-
موشحات ‘يا قُدْسَ الأقداس‘ - بقلم: أسماء طنوس
-
‘عَ النّاصرَة‘ - بقلم: زهير دعيم
-
‘أنا بن غفير‘ - بقلم: هادي زاهر
إعلانات
إعلانات
أرسل خبرا