زجل تَزرعون بالدموع تحصدون بالابتهاج - بقلم: أسماء طنوس - المكر
زجل تَزرعون بالدموع تحصدون بالابتهاج - بقلم: أسماء طنوس - المكر
الكاتبة أسماء طنوس - صورة شخصية
شو بتزرع رايِح تُحصد __ رايِح تِجني أتعابَك
وِإن كانُّه زَرعَك مـليـح __ الأمَل فِيّو ما خابَك
___________________________
ولَمّا بتزرع بالدّمـعـات __ وِبتِتعب عَزَرْعاتَـك
ألله بيِعطـيـك الخَيْرات __ ورايِح تِجني غِلّاتَـك
بِتنام بِتقوم صُبـحِيّـات __ بِتصير تِمسح دمعاتَك
ولمّا تمَنّيت البـركـات __ بالـدُّعــاءِ استـجـابَــك
____________________________
وِاللّي زرع بينِ اشواك __ شو ناطِر يِطـلع مِنّـو
مِش راح تحقِّق رَجـاك __ لَمّا مـا بتِـسـأل عَـنّـو
في الحصادِ ما أعطـاك __وما اهتَمّيت أصلاً فِيّو
منِ الكسل ربّك جازاك__ في الحصـادِ قد عابـَك
_____________________________
وِاللّي بلَيلاتُه سـهــران __ عَمَّ بيُـدرُس في كتـابُـه
وبيــراجِـع للإمـتـحـان __ تَـنـّو يـلاقـي أتـعــابُــه
ما بَدّو يطــلـع فَـشـلان __ بَدّو يسـابِـق اصحـابُـه
ياللّي ركَضِتْ في الميدان __ لْقيت النَّجاح جالَـك
من هنا وهناك
-
قصة بعنوان ‘سفر بلا عودة‘ - بقلم: الكاتبة اسماء الياس من البعنة
-
‘الجوع والفقر‘ - بقلم: كمال إبراهيم
-
قصة قصيرة : ‘فخٌّ في المقعد الخلفي‘ - بقلم: اسعد عبدالله عبدعلي
-
قصة بعنوان ‘أين المصير‘ - بقلم: الكاتبة أسماء الياس من البعنة
-
موشحات للزيتون بقلم: أسماء طنوس- المكر
-
‘نادي الأحبّة يُعطّر نابلس‘ - بقلم: زهير دعيم
-
‘ شتاءُ الخَير ‘ - بقلم: كمال إبراهيم
-
موشحات ‘يا قُدْسَ الأقداس‘ - بقلم: أسماء طنوس
-
‘عَ النّاصرَة‘ - بقلم: زهير دعيم
-
‘أنا بن غفير‘ - بقلم: هادي زاهر
إعلانات
إعلانات
التعقيبات