شقيق ياسمين عبد العزيز يكشف أسباب خلافه معها ووصيته الأخيرة الغريبة
خلال استضافته في برنامج تلفزيوني، تحدث الفنان وائل عبدالعزيز أخيراً، عن تفاصيل خلافه مع شقيقته النجمة ياسمين عبدالعزيز، وعلاقته لطليقها النجم احمد العوضي، كاشفاً عن وصيته الأخيرة.
ياسمين عبد العزيز تحتفل بتصدّر حلقتها مع منى الشاذلي منصات المشاهدة
وأوضح الفنان المصري أن خلافه مع شقيقته فقال بعفوية: "واحد اختلف مع أخته على شخص، كنت شايف إن هو يعني في حاجة تانية غير إنه يبقى حب، أنا شفت فيه اختلاف وحسيت إنه مش ده، ويمكن أنا اتصرفت غلط، بس اللي صار خلاف عادي بين أخ وأخته، والموضوع راح لحاله وخلاص".
وتابع: "بالنسبة لي دي خناقة حصلت وموضوع فيه اختلاف في وجهات النظر، وخوف مني عليها، لأن هو ده الأساسي اللي بيحركني دايما، وأنا فعلاً بخاف عليها، بس اكتشفت إن خوفي عليها بيسبب لي أنا مشاكل"، مضيفاً "طب أبطل أخاف، ما أنا لو بطلت أخاف مش هبقى أخ. ولو خفت هتهاجم، ولو خفت في حدود المطلوب هبقى وسطي، ولو خفت خوف الأخ الطبيعي هبقى أوفر، أعمل إيه؟ يعني الموضوع انتهى دلوقتي، ما فيش مشاكل ما بينا الحمد لله، ولا هيبقى فيه مشاكل، الموضوع انتهى وكانت تجربة وإحنا بنتعلم، بنمشي على طول نتعلم. تمام، اللي حصل حصل".
وعن استعداده للعمل مع النجمة ياسمين مجددا، قال: "لو جالي فرصة أعمل معاها، هوافق طبعا. أي حد يتمنى يشتغل معاها لأنها نجمة وشاطرة وشغلها حلو جدا. وأي حد بيظهر معاها بيطلع وينجح ويبقى نجم".
وبسؤاله عما إذا كان مستعدا للمشاركة في عمل من بطولة العوضي، أجاب: "موافق أعمله بس يبقى مكتوب كويس وليا مساحتي ومحدش يتدخل في الدور. بس أنا ولا بتضرب ولا بيتحط عليا، والمشاهد اللي هعملها تتكتب صح ومحدش يتدخل في السيناريو، لو الدور عاجبني وفي مساحتي ومميز ليه لا، أنا معنديش مشاكل مع حد".
وعن وصيته الأخيرة، قال وائل: "الوصية دي أنا عايز بس الناس تفهم أنا كتبتها ليه، أنا كاتبها من اللي أنا بشوفه، أنا بشوف مهازل بتحصل، يعني أنا في دفنة أبويا الله يرحمه، أنا مسكت نفسي لدرجة لا تتخيّليها، قلة أدب وزحام، وإحنا نازلين بيه شايلينه".
وأضاف: "أنا كنت بتضرب من ضهري عشان أتصور، فقلت يا جماعة محدش يحضر ليا. أنا مش عايز حد يحضر لي، اللي يجي هيدفني وشكرا. ابقى ادعيلي يا عم، إدعيلي في بيتك. أنا مش عايز حد يجيلي، يعني أنا حر، أنا شايف إن أنا عايز أموت موتة هادية، مش محتاج كل ده وكل الغلط ده".
صور نشرتها الفنانة على صفحتها الانستغرام -بدون كريدت
من هنا وهناك
-
لطيفة تطرح ‘أنا بعجبني‘ .. رسالة غنائية تدعو لحب الذات
-
شيماء سيف تتلقى رسالة حب خاصة من زوجها في يوم ميلادها
-
ملك قورة تعلن تحضيراتها لإعلان خطوبتها في حفل عائلي
-
إلهام شاهين تكشف كواليس أصعب اللحظات في مشوارها الفني
-
نانسي عجرم تحتفل بألبومها الجديد مع جمهورها في الساحل الشمالي
-
محمد رمضان يعِد متابعيه بجائزة لمَن يستكمل أغنيته الجديدة
-
سرقة نور الغندور... محتويات سيارتها وتحطيم الزجاج في بيروت
-
ياسمين صبري تفتح خزائن أسرارها وأسباب قوّتها في المواقف
-
تامر حسني يروّج لألبوم ‘مش هتكرر‘ في ظهوره الأول بعد وفاة والده
-
نفاد تذاكر حفل شيرين عبد الوهاب في الساحل الشمالي للمرة الثانية
إعلانات
إعلانات
أرسل خبرا