الفنانة أصالة تشوّق جمهورها لأغنيتها الجديدة
نشرت الفنانة أصالة نصري عبر حسابها الخاص فيديو شوّقت به جمهورها لأغنيتها الجديدة التي تحمل عنوان "سوريا جنة"، والتي أطلقتها بعد إسقاط النظام السوري القديم.
أصالة تشوّق جمهورها لأغنيتها الجديدة
وعلّقت أصالة على الفيديو بمنشور طويل قالت فيه: "مشاعر مختلطة كلها قوية خوف أولاً من إنه ينسى الواحد فينا شو كنا وشو أصلنا... نحنا كل أهل سوريا بنشبه أهل الحارة اللي بكل العالم ما في من هيك حارة الناس فيها مخلوطين من ديانات مختلفة وثقافات مختلفة وبساطة وشهامة ومحبة وتسامح وتسامح وتسامح وما في شي حيخلينا نتجاوز ونكبر ونحقق ونعلى غير التسامح وما رح نقول مو وقتها لسه الجرح طازه!".
وتابعت أصالة: "رح نقول نحنا أهل سوريا العظيمة الطيبة سوريا التاريخ اللي بيعشقها شعبها ودفع دمّه فداها ما بدنا نكمل مشوار كله دم وكله قهر وبيرجعنا أكتر وبيقهرنا أكتر لأننا بالآخر هون عنا أهل وحبايب وهون عنا أهل وحبايب وبدنا نتوحّد وبدنا نعمّر هالبلد الحلوة اللي مافي أحلى من ترابها وشجرها وبيوتها وأهلها الطيبين الحناين".
وأضافت: "راهنت وبراهن على نجاحنا وإنه الوجع وقف وإنه الفرقة وقفت ومن هون رح نبدى مارح نتطلّع عالماضي وكل واحد فينا رح يعمل شغله ورح نتأمّل خير ورح نتطلّع بألله ورح نترجاه مابقى بدنا وجع بدنا كلنا نكمل بعض بدنا سوريا تلحق وتعمّر وتكمّل وتسبق بدنا سوريا ما فيها ظلم مافيها خوف فيها الياسمين بيغوي وشجر الحور عم يطول ونزرع نرجع شجر من القهر ما كأنه مات قدّ ما هوّه انتحر".
واختتمت أصالة منشورها قائلةً: "بدي أقعد على كرسي بساحة من ساحات الشام عند بياع الصبارة بدي أشتري فستق حلبي من كل البياعين على طريق الربوة بدي شوف سوريا عروس وكلنا نحنا أهلها وبدنا هالعروس اللي تعتّرت وتقطّعت وتنتفت نرجّعلها جمالها وليرجع كلنا بدنا نحبها بدها حب ما بقى بدها ولا نقطة دم بدها فرح بدها أمل بدها ثقه بدها سحر والله بيقدر يمسح على القلوب بالتجاوز ونسمو ونعلو ونبني... بعرف إنه كتير صعب بس نحنا أهل الصعب... وبدنا نهتم بصغارنا اللي شافوا الويلات وصار بدهم قد الكون كلّه رعايه واهتمام... كلي أمل وكلي ثقة نحنا لقدّام ورح نكون وما بقى نقبل ما نكون ورح نبنيها بالحب لأنها بس بالحب رح تعمر ورح تعمر... كلمات: بتول زيدان ويارا أحمد، لحن وتوزيع: على حسون".
صورة نشرتها الفنانة على صفحتها بالانستغرام - تصوير: @mohammed_vivid
صورة نشرتها الفنانة على صفحتها بالانستغرام - تصوير: @mohammed_vivid
من هنا وهناك
-
فيلم ‘الذراري الحمر‘ يفوز بجائزة اليُسر الذهبية لمهرجان البحر الأحمر
-
الفنانة المغربية وسيمة الميل سفيرة أممية لحقوق الإنسان
-
الفنانة أصالة تشوّق جمهورها لأغنيتها الجديدة
-
دينا الشربيني : ‘راضية عن ردود الأفعال على فيلم الهنا اللي أنا فيه‘
-
ياسمين عبد العزيز تعلّق على تعاونها الأول مع أكرم حسني
-
فاليري أبو شقرا... قصة نجاح مهمة بين الشهرة والفن والأمومة
-
منة فضالي تعلن مفاجأة عن فتى أحلامها
-
كارلا حداد تعلن انفصالها رسمياً عن زوجها وائل قسيس من خلال صورة
-
نجوم الغناء يبدأون العدّ التنازلي لرأس السنة... هذه أبرز الحفلات
-
شيرين عبد الوهاب تحيي حفلا في دبي وتخاطب الجمهور : ‘أنا من غيركم بموت‘
إعلانات
إعلانات
أرسل خبرا