دينا الشربيني : ‘أتمنى تقديم الفوازير لأني أحب الاستعراض‘
كشفت الفنانة دينا الشربيني في تصريحات إعلامية على هامش مشاركتها في "موسم الرياض" بمسرحيتها الجديدة "حاوريني يا كيكي" عن علاقتها بوالدها قبل وفاته، مشيرةً إلى أنها شعرت بالانكسار بعد رحيله،
صورة نشرها الفنانة على صفحتها بالانستجرام : تصوير@soma_photography19
كما تحدثت عن آخر أفلامها، فيلم "الهنا إللي أنا فيه"، المقرر عرضه في 15 كانون الأول (ديسمبر) الجاري. وقالت دينا: "أنا فخورة بوالدي بزيادة، وأنا من يوم ما اتولدت وأنا عارفة قيمته وهو كان كل حاجة في حياتي، لما توفي عرفت إن الدنيا مش مستاهلة... ولو عندك خمس دقايق روح بوس إيد أهلك وأمشي".
وأضافت الشربيني أن علاقتها بوالديها كانت ولا تزال جيدة، موضحةً: "طبيعة شغلي غصب عني شهور مش بنام، ويومك مقلوب، فحتى لما كنت بروح لهم كنت بنام وإحنا قاعدين عادي، ولو أنا كنت عارفة إنه هيموت كنت هأجّل حاجات كتير أوي، البنت بتكون قوية لحد ما تفقد أبوها بتتكسر، مفيش حد هيتقارن بالأب، وأخويا سندي بعد أبويا". كما كشفت دينا عن أمنيتها في الفن، مؤكدةً حماستها لتقديم الفوازير، بالقول: "أنا بحب الاستعراض أوي، ونفسي أعمل فوازير، بس هي صعبة أوي، فيه ناس علامة في المجال ده شريهان ونيللي، وقابلت شريهان مرة وقلتلها قد إيه أنا بحبها".
وتحدثت دينا الشربيني عن فيلمها "الهنا اللي أنا فيه"، فقالت: "الفيلم من البوستر يوحي أنه بيتكلم عن اتنين أصحاب هيتجوزوا نفس الراجل بس لما تشوفوه هتفهموا أكتر، الفيلم مكتوب حلو جداً، وأستاذ خالد مرعي اشتغلت معاه قبل كده، ومن زمان نفسي أشتغل مع كريم محمود عبد العزيز عشان عمرنا ما اشتغلنا مع بعض، وأنا وياسمين رئيس لما بنشتغل مع بعض بتبقى حاجة تحفة، وفيه فيلم تاني مع عمرو يوسف وإحنا عِشرة مش أول مرة نشتغل سوا يعني والفيلم حلو جداً".
من هنا وهناك
-
تمديد عرض مسرحية عمرو يوسف وأسماء جلال في السعودية 5 أيام بسبب إقبال الجمهور
-
هدى الإتربي تكشف أسباب فقدانها الوزن في الفترة الأخيرة
-
أروى جودة تتحدث عن معاناتها مع التجميل وقصة فستانها المسروق
-
تاتو نادين نسيب نجيم على ظهرها يثير اهتمام الجميع.. تفاصيل فلكية جذابة
-
هنا شيحة توجه رسالة للسيدات: أجسادنا ليست عيباً
-
مروة نصر تهدد باللجوء للقانون ضد موزع موسيقي بتهمة النصب
-
دينا الشربيني تتحدث عن العنصرية ضد المرأة.. وخالد دياب يكشف أزمة الكوميديا
-
أروى جودة: البوتوكس كاد أن ينهي حياتي.. وهذا سبب اتخاذي قرار عدم الإنجاب
-
ركين سعد تتفوق في عالم العصابات وتحصد جائزة أفضل ممثلة في مهرجان الجونة
-
سميرة سعيد تختار منزلها في الرباط للاحتفال بزفاف نجلها شادي
إعلانات
إعلانات
أرسل خبرا