تفاصيل مكالمة محمد صلاح لكندة علوش بعد إصابتها بمرض السرطان
حلت الفنانة كندة علوش ضيفة مع الإعلامية منى الشاذلي، في حلقة خاصة، تحدثت فيها عن دعم اللاعب المصري المحترف في ليفربول، محمد صلاح، بعد علمه بإصابتها بمرض السرطان.
صور نشرتها الفنانة على صفحتها بالفيسبوك - بدون كرديت
وكشفت النجمة كندة علوش عن تفاصيل مكالمة خاصة تلقتها من صلاح، خلال فترة علاجها، وقد ذكرت كندة أنها كانت برفقة عائلتها عندما تلقت المكالمة، حيث كانت المفاجأة كبيرة بالنسبة لها لأنها لم تكن تتوقع الاتصال.
كندة علوش قالت: "أنا مش عارفة هو عايزني أقولها في الإعلام ولا لأ، بس أنا مش هستشيره لازم أقولها عشان دي حاجة أنا سعيدة بيها جدا، عمرو يوسف كان قاعد وجاله مكالمة أثناء فترة مرضي، ولقيته بيقول (آه أزيك، آه طبعا إيه دا، حبيبي لا أنت حبيبي، يا محمد، آه هي كويسة)، ولقيته متحمس أوي، وأنا كنت مع العيال فكنت مش رامية ودن أوي، فبعد ما قفل بقول له (مين يا حبيبي)، قال لي (محمد صلاح)، قولت له (مين محمد صلاح)، قال لي (محمد صلاح)، قولت له (محمد صلاح مو صلاح؟)، قال لي (آه، عرف من أصدقاء مشتركين، إنك تعبانة، وجاب نمرتي)".
وتابعت كندة علوش: "إحنا من كبار محبيه، بس مكنتش في تواصل بينا، جاب النمرة واتصل بعمرو، وقال له أنا سمعت ومهنش علي، وعايز اقول لك ان بيتي موجود، عايزين تيجوا تكشفوا في لندن، عايزين تبعتوا لي الورق وأنا اخده عند دكاترة هنا، وقولت له (يا عمرو أنا مش مصدقة، إيه اللذاذة والحلاوة دي)".
وأضافت كندة: "وبعدها بفترة لقيت عمرو بيتكلم بنفس الحماسة وبينده لي، وأنا بمسك التليفون قال لي 'محمد صلاح'، قال لي طمنيني، قولت له: "أنا كويسة أوي كويسة جداً، ومبسوطة اني بسمع صوتك"، هو كان متفاجيء من نبرة صوتي، وقال لي: 'لكِ عائلة وبيت، ولو عزتي أي حاجة، وطمنيني وعايز اطمن عليكِ تاني واسمحي لي"، قلت له: "أنت عارف معزتك ايه.. هو إنسان حقيقي وبسيط ودور على نمرة ناس مايعرفهمش".
كانت كندة علوش قد أعلنت إصابتها بسرطان الثدي بعد إنجابها لابنها الثاني كريم بعد تسعة أشهر.
صور نشرتها الفنانة على صفحتها بالفيسبوك - بدون كرديت
صور نشرتها الفنانة على صفحتها بالفيسبوك - بدون كرديت
صور نشرتها الفنانة على صفحتها بالفيسبوك - بدون كرديت
من هنا وهناك
-
مرام علي تحتفل بيوم ميلادها بفيديو مميّز
-
داليا مصطفى: لا أستطيع العيش بلا حب
-
سيرين عبد النور تحتفل مع فريق ‘كذبة سودا‘ بعيد ميلادها
-
غادة عبد الرازق تخالف توقعات الجمهور بردّها على حلقتها مع رامز جلال
-
مي سليم تكشف تفاصيل خاصة في حياتها الشخصية وعلاقتها بابنتها
-
غادة عبد الرازق ضحية رامز جلال وتكشف عمرها الحقيقي
-
مي عمر تقارن بين زوجيها في ‘إش إش‘ و‘الست موناليزا‘ بتعليق طريف
-
دينا الشربيني توضح موقفها من العمل مجددًا مع كريم محمود عبد العزيز
-
بشرى تكشف أسباب استقالتها من مهرجان الجونة
-
درة تكشف كواليس دورها في ‘علي كلاي‘ وأزمة بوستر المسلسل
إعلانات
إعلانات
أرسل خبرا