محامية شهيرة تشن حملة هجوم على مسلسل غادة عادل الجديد
شنّت المحامية والناشطة الحقوقية الشهيرة نهاد أبو القمصان، حملة هجوم حادة ضد مسلسل "حالة خاصة" والذي تقوم ببطولته الفنانة غادة عادل ،
صورة نشرتها الفنانة غادة عادل على صفحتها انستغرام، تصوير: بدون كريدت
وتدور أحداثه حول شاب مصاب بالتوحد يعمل في مكتب محاماة تمتلكه غادة.
ونشرت أبو القمصان على حسابها الخاص مقطع فيديو ظهرت فيه وهي تتحدث عن المسلسل قائلة: "جميل أن يكون في مسلسل بيتكلم عن وجود شاب عنده حالة خاصة بس المكتب ده عايز يتشمع بكل المحامين اللي فيه، يعني أولًا إزاي نجيب صاحبة القضية ونقعدها مع كل المحامين ومنهم المحامين اللي تحت التمرين ونقولها قولي كل أسرارك قدام الكل ونقولها هما دول اللي هيحلولك القضية، دا ضد مهنة المحاماة تمامًا مش في حاجة اسمها خصوصية إزاي أجيب موكل يتكلم عن أسراره قدام شباب لسة بيتعلموا ومتعينوش في المكتب ودا انتهاك شديد لقيم وأخلاق مهنة المحاماة".
وأضافت: "ثانياً خلع إيه اللي بيعملوله تحقيق، ستة بيحققوا في قضية خلع ويصوروا جوز الست ويقولولها هاتي كشف طبي، الكلام دة ممكن يكون بيطبق في انجلترا اللي فيها اقتسام للثروة فكل واحد بيثبت إنه مش هو سبب الطلاق لكن الخلع عندنا الست بتتنازل عن أي حاجة ومش بنقول أسباب أصلًا أما التحقيقات دي في الطلاق للضرر".
وتابعت نهاد أبو القمصان قائلة: "فالمسلسل فيه مشكلة من ناحية أخلاقيات المهنة ومن ناحية الموضوعات المطروحة، فهاتوا محامي يراجع المسلسل".
واسترسلت قائلة: "كمان الجناية اللي المتهم ممكن يأخذ فيها إعدام ولسة بنتناقش فيها وحد يديها برشامة فيها الحل قبل ما تترافع وتقولولي دي أكبر محامية في مصر وهي الصبح بتقول للمحامين إنتوا أكبر عقول وأكبر محامين ومش عارفين توصلوا لحل".
وأضافت أبو القمصان: "وصاحبة المكتب قاعدة مع الستة المتدربين اللي لسة بتختبرهم مش حتى دول تحت التمرين والست أفراد معاهم قضية واحدة، ولا المحامي المتحرش هل في محامي ممكن يتجرأ على أستاذته ويتكلم معاها بالطريقة دي".
وتابعت "حرام تدمروا ثقافة المجتمع القانونية دا إحنا بنقعد سنين نبني الوعي القانوني وكمان موكلة تيجي لمحامية تقولها أنا هربانة من البوليس فتكلم المباحث تسلمها هي فين نقابة المحامين من الكلام دا".
واختتمت حديثها قائلة: "أنا اتفرجت على أربع حلقات وقلبي مش جايبني دة مفيش منظومة أخلاق ولا قواعد مهنية ولا قانون".
يُذكر أن مسلسل "حالة خاصة" بطولة طه دسوقي، غادة عادل، أحمد طارق، هاجر السرّاج، حسن أبو الروس، وئام مجدي، أحمد الأزعر، علي السباعي، لينا إيهاب، الطفل آدم وهدان، أدهم النحاس، تأليف مهاب طارق وإخراج عبد العزيز النجار.
صورة نشرتها الفنانة غادة عادل على صفحتها انستغرام، تصوي بدون كريديت
من هنا وهناك
-
أبرزهم مي عز الدين .. نجوم الفن يهنئون أحمد السعدني بعد زواجه ميرنا الهلباوي
-
أحمد العوضي: إصابة مي عمر في ‘شمشون ودليلة‘ مبالغ فيها
-
سمية درويش تكشف تفاصيل الخلاف مع شيرين عبد الوهاب
-
يارا السكري تتحدث عن علاقتها بشقيقتها وتعاونها مع محمد إمام وشيكو
-
ريهام عبد الغفور توجّه رسالة الى أحمد السعدني بعد زواجه
-
جيهان الشماشرجي تحتفل ببراءتها بالزغاريد وتعليق طريف
-
نور الغندور وعلي كاكولي يجتمعان في ‘أحبك من زمان‘
-
وعكة صحية تنقل ملك أحمد زاهر إلى المستشفى في يوم ميلادها
-
كارولين عزمي: تمرّدت على أدوار الفتاة الرقيقة
-
جيهان الشماشرجي تتنفس الصعداء بعد البراءة أمام القضاء
إعلانات
إعلانات
أرسل خبرا