صور نشرتها الفنانة غادة عبد الرازق على صفحتها الانستغرام - بدون كريدت

وقالت غادة: "أنا ملتزمة دينيا، وأعلنت كثيراً أنني سأعتزل، وتراجعت، لذلك لن أعلن ذلك مجدداً، حتى لو اتخذت القرار، سأتركه يأتي بطريقة ربانية، مش بقرار مني، أنا عايزة ربنا يقول لي أنتِ دلوقتي كفاية الحمدلله".

وأضافت: "لا علاقة للدين باعتزالي، الأمر كله رباني وقضاء وقدر، وربنا كاتب لي هبطل تمثيل إمتى، فهو قرار من الله ليس من غادة عبد الرازق، أنا ملتزمة دينيا الحمدلله، ولا أحتاج لهذا القرار في هذا الأمر، ولا الحجاب، لست من هذه الشخصيات".

وكشفت غادة أنها لم تكن على علم أن الوشم حرام، قائلة: "أنا ست مسلمة، وعرفت إن دا حرام، ومش عايزة أعمله، عملته وأنا صغيرة جدا ومحدش قال لي، ودلوقتي عرفت وأنوي إزالته".

وأكدت أن الكثير من أسرتها محجبات ولكن لم يفرض عليها أحد الحجاب من قبل.

ورداً على سؤال عن رأيها في الزواج من ديانة أخرى، وما رأيها في الزواج المدني، فأجابته قائلة: "نحن عائلة مسلمة، والحمدلله وربنا يثبتنا على ديننا، ولا مانع في الزواج في حال قرر تغيير دينه، لأن إحنا عندنا لو عايز يتزوج من مسلمة، لازم يسلم".

وعن علاقتها بوالدها الراحل وتفاصيل حياتها الشخصية، قالت غادة إنها تزوجت من أشخاص أكبر منها سنًا بسبب محاولتها للحصول على حنان والدها بعد رحيله وليس بدافع الحب.

وتابعت: "وفاة والدي وأخويا وأنا في سن صغيرة خلاني ارتبطت بأشخاص أكبر مني، وبعد والد روتانا ارتبطت مرتين بالأكبر مني في السن جدًا.. وكنت بحاول أدور على بابا تاني، والمبرر في إني كنت بتجوز حد أكبر مني بـ25 سنة إني كنت بدور على بابا مش حب".

وتحدثت غادة عبد الرازق عن تفاصيل وفاة والدها قائلة: "أنا كنت دلوعة بابا جدًا، وقبل ما بابا يتوفى بثلاثة أيام كان مبسوط، لأنه كان هيبقى وزير وحصله هبوط في الدورة الدموية، وتاني يوم الساعة 7 الصبح عرفنا إن بابا توفي، ومش فاكرة هل اتكسرت أو ضعفت".

وأوضحت أنها تتعالج من الخوف منذ وقت زيارتها لقبر والدتها، قائلة: "أنا عمري في حياتي ما روحت لقبر بابا لأنه مدفون في الشرقية، وروحت لقبر ماما مرتين من يوم ما اتوفت من 18 سنة وتعبت نفسيًا جدًا، لأني رحت الساعة 2 الصبح وفجأة تملكني الخوف إن إزاي أنا دخلت المقابر في الوقت ده ومن ساعتها وأنا بتعالج من الخوف".

وأكدت الفنانة غادة عبد الرازق، أن عقلية الرجل المصري لا تتقبل شخصية المرأة القوية ولا نجاح المرأة، قائلة: "عقلية الراجل المصري صعب تتقبل الشخصية القوية زيي، الراجل مبيحبش الست تبقى أقوى أو أنجح منه، واللي قابلته في حياتي العاطفية الراجل اللي بيدوس على كرامة المرأة لأني ناجحة، والأمان في أقرب الناس ليا مش في شريك الحياة، وشيلت فكرة الجواز من دماغي".

أما عن شخصيتها في فيلم الريس عمر حرب، فعلقت قائلة: "الفيلم ده من أكتر الأفلام اللي بحبها جدًا، لأنه كان فيلم جريء جدًا وقصته غريبة، أنا حبيت الدور أوي كان مركب وغريب ومش عارفة كنت هلعبه من أي جهة، وبعد الفيلم ما اتعرض كل الناس كانت متخيلة أن الشخصية مرسومة كده، ولكن أنا اللي رسمت الشخصية".

وعن مشهدها الشهير مع الفنان هاني سلامة، خلال أحداث الفيلم قالت رداً على سؤال مضيفها علي ياسين: "كنا حاطين روج تحت الأظافر علشان يبان إني خربشته، ولكن أنا عشقت الفيلم ده وحبيته وأكيد الحاجات دي بتحصل والكاتب مش جايب ده من برا".

صور نشرتها الفنانة غادة عبد الرازق على صفحتها الانستغرام - بدون كريدت

[email protected]استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ