صورة نشرتها الفنانة على صفحتها بالانستغرام - بدون كرديت

جداً في حق نفسها، وتبحث عن الحب وتجده أثناء تواجدها وسط الكلاب والقطط، لأن حبهم غير مشروط".

وتحدثت شيرين رضا، خلال حوارها ببرنامج "أنا والقناع"، مع الإعلامية منى عبد الوهاب، عن ابنتها الوحيدة نور عمرو دياب، قائلة: "بنتي في الشبه مخدتش من أبوها عمرو دياب غير إيديه ورجليه، ولكن ورثت مني الكثير من الصفات، وعلمت بنتي النقاش لما أجي أقولها لا بقولها ليه لا، عشان تفهم وتعرف كل حاجة".

وكشفت شيرين سر العلاقة المميزة التي جمعت ابنتها نور بزوجتي أبيها دينا الشربيني وزينة عاشور، وقالت : "أنا قلت لها زينة عاشور مش "مرات أبوك" دي أمك الثانية لأنها أم اخواتك، وكان لازم العلاقة تبقى كده، لأني مبحبش حكاية "مرات الأب"، لأن في أربعة أطفال مهلومش ذنب في اللي حصل، ولازم نبقى كلنا عائلة وأصدقاء".

وتابعت قائلة: "دينا الشربيني صاحبتي من زمان، وعمري ما كنت حفكر أخسر صداقتها، ولحد دلوقت احنا لسه أصحاب، لأني عمري لما أبص لعمرو دياب ما افتكر أنه كان زوجي أو فيه قصة حب بينا، كل الذكريات المشتركة بيننا اتمسحت، فور خروجه من حياتي".
واضافت شيرين رضا: "أنا مقصرة في حق نفسي ومش بدي نفسي حب كافي وبحاول أعمل المفيد ومش بحب المرايات".

وأشارت إلى أنها تجد في الحيوانات الحب، والبشر يحبون أيضاً، ولكن يحبون لأسباب، متابعة: "بلاقي في حيواناتي الحب والكلاب والقطط بيحبوا من غير سبب".

"الناس اللي بكون مرتاحة معاهم"
وتابعت شيرين رضا قائلة: "الناس اللي تستاهل تبقي موجودة في حياة شيرين رضا، الناس اللي بكون مرتاحة معاهم ومش لازم أكون لابسه معاهم قناع، وكان فيه واحده صاحبتي عزيزة عليا وقعت من نظري بسبب التصرفات، ولما حد بيجرحني بلومه لما يكون فارق معايا، وبحب أشوف الجمهور شايفني إزاي، وأنا في المجال ده عشان الناس.

وأضافت أنها من الشخصيات التي تخفي أحاسيسها خلف الصمت، وأحياناً تشك في آرائها، لذلك تعمل على تجديد أفكارها باستمرار، متابعة: "بخبي كل أحاسيسي ورا الصمت، ولازم أجدد أفكاري والحاجات اللي بصدق فيها لأن الدنيا بتتغير".

وأشارت إلى أن الأمور التي تصدق من 20 عاماً تختلف الآن، متابعة: "الحاجات اللي تتصدق من 20 سنة، مش هي دلوقتي، والتكنولوجيا والعمر والتجربة بيغيروا قناعتنا ولو مغيرتش تتكسر".

وتابعت: "احنا بنغلط ومفيش مجتمع كامل وجزء من حلاوة الحياة أننا بنغلط فيها، والتجربة تعلمك والتعاسة تعلم السعادة ومتعة الرحلة في الرحلة وما نتعلمه منها".

"افتقدت أحمد زكي"
واعترفت شيرين رضا، إنها دائماً تفتقد وبشدة الفنان الراحل أحمد زكي وإمكانية الجلوس معه، وقالت: «افتقدت أحمد زكي وهو وحشني قوي، وإحنا كنا أصحاب، وكنت بحب أروح أقعد معاه ونتكلم».

وأضافت: أنها وفي كثير من المرات كانت تزور الفنان أحمد زكي في منزله، إذ كانا يتناولان الطعام سوياً ثم يشاهدان فيلم «أيام السادات» وهو فيلم طويل، وكان مهتماً بكل تفصيلة، وفي إحدى المرات مكثا سوياً ليشاهدا العمل الفني طيلة 6 ساعات: "كل شوية كان بيوقف الفيلم ويشرح كل مشهد، وكان بيحب اللي بيعمله جداً".

صورة نشرتها الفنانة على صفحتها بالانستغرام - بدون كرديت

صورة نشرتها الفنانة على صفحتها بالانستغرام - بدون كرديت

صورة نشرتها الفنانة على صفحتها بالانستغرام - بدون كرديت

[email protected]استعمال المضامين بموجب بند 27 أ لقانون الحقوق الأدبية لسنة 2007، يرجى ارسال ملاحظات لـ