أدهم مصري من الطيبة يكتب : خلينا نقعد أعوج ونحكي صحيح
بالنسبة "للفوضى" في محيط المسجد الأقصى وتحديداً منطقة باب العامود... أولاً... فش حدا بعرفش الحقيقة والواقع عن تواجد الشرطة في محيط المسجد الأقصى ،
أدهم مصري - صور شخصية
وهذا الحكي مش من سنة وسنتين وثلاث ، هذا من عشرات السنين ورايح يظل هيك ، وإذا في حكي ثاني تفضلوا قولوه...
ثانياً... عن جد غريب ، ليش ياخي أنا بتوقفش لما أروح هناك ، على راسي ريشة ؟ ليكون خواجا باقي أنا ومكتوب على صباحي "موشيه"...
ثالثاً... أنا بشوف عيني شوفة مش حدا خرفني، في شباب وصبايا هناك بروحوا عشان " الرخصنة " ، وهذه الكلمة كلنا بنعرف معناها ، كل " واحد " وصديقته بلتقوا هناك ، والحكي عن فئة قليلة مش الكل طبعاً...
رابعاً وأخيراً... لما بطلعن باصات من الشمال والمثلث والجنوب ووبقى فيهن نسوان ورجال كبار بالجيل وقبل القدس بمسافة قصيرة يبقى " محصوم " للشرطة ويقولهم لفوا وإرجعوا ، برضو هذا مش منطق ومش عدل ، وكله هذا عشان كام ولد الله يعلم أنو زاققهم هناك يعملوا فوضى وتصير إشتباكات وقنابل صوت وغاز ، والمتضرر الأول والأخير هومي أهلنا أهل القدس، ببقو يستنو بهذا الشهر الفضيل يترزقوا...
وما ننسى أنه بمنعوا أهلنا بالضفة وغزة أنهم يزوروا المسجد الأقصى...
المسجد الأقصى ما بنحمى بالولدنة و و و و....
بكفينا عاد تصرف مثل النعامة ، حاطين روسنا بالتراب ومش سائلين شو في حوالينا...
أسأل الله أنه رسالتي كانت واضحة وتوصل للجميع ، وربنا يحفظ الجميع ويرزق الجميع ، ورمضان مبارك ...
أدهم جمال مصري - الطيبة المثلث
من هنا وهناك
-
شعر :‘ زمن الوهم ‘ - بقلم : الهام بطحيش
-
‘ الزيت والزيتون ‘ - بقلم: أسماء طنوس – المكر
-
قصيدة بعنوان ‘ حبيبتي دلال ‘ - بقلم : بلال سعيد حسونة
-
قصيدة ‘ إلى متى! ‘ - بقلم : عمر رزوق الشامي – أبوسنان
-
‘شاعر الكرنك.. ابتسامة حظ وسخرية هرمين‘ - بقلم : ناجي ظاهر
-
‘ رسائل إلى قمر ‘ - بقلم : هدى عثمان أبوغوش
-
‘ ستزهرُ الأيام حتمًا ‘ - بقلم : زهير دعيم
-
‘ ننتظر زخّاتك يا ربّ ‘ - بقلم : زهير دعيم
-
قصة : الحق المسلوب لا بد أن يعود
-
قصيدة زجلية بعنوان ‘ إحترام المعلم ‘ - بقلم : أسماء طنوس
إعلانات
إعلانات
أرسل خبرا