أسماء طنوس - صورة شخصية
حَبُه أَطيب وأَكثــر يا عيوني
من الجوزِ لَوْ جـابولي دَخيل الله
------------
حَبّ الزّيتون الأسود يا عيوني
ما أطيب طَعْمُه عنــدي إِيه والله
زيتُه أطيب وأجْــوَد يا عيوني
زيتُه زيتون بْلادي دَخيل الله
------------
زيت الزّيتون الصّافي يا عيوني
زيتُه أَطيب من عسل إِيه والله
زيتُه غِذاءُه كافي يا عيوني
وللصِّحه زيتُه شَمل دَخيل الله
------------
الزّيتون مع اللّبنه يا عيوني
وصحن الزّيت مع الزّعتر إِيه والله
بيِسوى مليون وميّه يا عيوني
مع اللّحمه وأطيب أكثــر دَخيل الله
------------
من زيتُه عالتّبولِه يا عيوني
طَيِّب طَعمِه وريحَه إِيه والله
وصحن الحمص والفولِ يا عيوني
أَكْلُه بيِسوى ذبيحه دَخيل الله
------------
طيّب زيتك يا بلادي يا عيوني
زيتك أحلى من السكر إِيه والله
حُط الزّيت عالزوادي يا عيوني
جسمك منّه بيِكبَر دَخيل الله
------------
لمّا بتاكُل خُبْزِه وزيت يا عيوني
عن الغذا بتِسْتَغني إِيه والله
من زيتُه بتِنطح الحيط يا عيوني
وجسمك منه بيِقوى دَخيل الله
------------