زهير دعيم - صورة شخصية

خفّة دم ونَغاشة

وعطر غامر هالنُّجودْ

ضحكاتو ورد وفُلّة

 وطلّاتو أحلى طَلّة

وخجلو لمّا بيتجلّى

 بيفوق كلّ الحُدودْ

زرع حقولنا آمالْ

وغَمَر دروبنا أحلامْ

وكتب عَ جْبين الزّمانْ

 قصّة مسنودة بزْنودْ

يا غالي يا ابن الغوالي

أنت فرحي وموّالي

 وصلاة بتعنّ عَ بالي

 مليانة محبّة وسْجودْ

ربّي يلوّن أيامَكْ

 ويحقّق كلّ أحلامَكْ

ويدوزْن عَ أوتارك

 رنّات من أحلى عودْ