ياسين مصطفى بكري - صورة شخصية
ركن الجليل ونحنا منضُمك
عالعين ياما وردة الغزلان
ونحنا وبلدنا كثير منعزك
الناصرة يا حامية الاوطان
الكل صرنا نمشي في دربك
احلا حروف مزينة بأوزان
والعين عُنوان الكَرم عِندك
الناصرة يا قلعة الشجعان
والعذرا يلي رافعة راسك
فيكِ الكنيسة عاشقة الرهبان
والمسجد اللي كثير بشهدلك
للسلم أنتِ دائما عنوان
وقت المعارك قاهرة خَصمِك
الناصرة يا جنة الرحمن
كل الجليل بحبنا يحبك