وذلك بعد أيام من أزمة زواج زوجها اللاعب السابق محمد عبد المنصف بالفنانة إيمان الزايدي وطلاقه منها.

وقالت لقاء في منشورها: "دائماً وأبداً الدنيا بتختبرنا وبتضغط علينا وبتغيّر حياتنا من حين لآخر وبتلخبطنا. ساعات بنحقق أحلامنا وساعات بنتوه في الزحمة وبنتنسي، بنقابل ناس نحبهم ونقابل ناس مش بتستلطفنا، وناس بتحاربنا وناس تانية بتطبطب على قلوبنا وناس بتعاندنا وتحاول تكسرنا لأنهم همّا نفسهم مكسورين ومش عارفين يصدّقوا في نفسهم حتى وهمّا بيحققوا اللي قرّروا إنهم يحقّقوه وحتى وهمّا ناجحين".

وأضافت: "اختبار الدنيا مش سهل، بالعكس دا عايز صبر ونفَس طويل علشان في آخر الطريق نعرف إحنا في الدنيا ليه وإيه هي مهمتنا الأساسية غير إن إحنا نطوّر من نفسنا ونتعلم الصبر وما نضايقش أي إنسان حتى لو هو قرر يضايقنا. السماحة ليها معنى كبير".

واختتمت لقاء الخميسي منشورها قائلةً: "في النهاية، إحنا هنا علشان نحب، نفكر، ونتعلّم، وفي آخر الطريق ها نعرف إيه هي حكمة وجود كل إنسان فينا".

صور نشرتها الفنانة على صفحتها بالانستغرام - تصوير: Photos by @samehselim.official