"فرقة دبكة الفرسان لمتلازمة داون" تتيح لهؤلاء الشبان والصبية فرصة للتفاعل مع شباب وأطفال آخرين وتكوين صداقات جديدة، تنسيهم نسبيا ما يتعرضون له من مضايقات .
وقالت رنا قطام - أُم لشاب مصاب بمتلازمة داون وعضو بالفرقة :" هون عندي ليث نفسيته بترتاح، بحب هذا المكان، يعني هذا المكان بخليه مثلا يومين تلاتة بجهز حاله إنه بده يروح يدبك، بدي أروح عند أم هاشم (مدربة الفرقة)، بدي أشوف صلاح، هاشم، عبد الله، بيكون مبسوط نفسيا. يعني من دخل فرقة الدبكة حسيت حياته تغيرت، نفسيته تغيرت، صار عنده نشاط، حياته الكاملة تغيرت".
فرقة الدبكة المكونة من 19 عضوا تأسست قبل ثلاث سنوات وأنشأتها مجموعة من الأمهات لمنح أبنائهن فرصة للالتقاء والتدريب والأداء في الأماكن العامة في محاولة لتحسين ثقتهم بأنفسهم .
من جانبه ، قال محمد كفوين - عضو بالفرقة :" أنا أحب الدبكة كثير وأنا أحب الدبكة أنا عشان فيه شباب كتير وأم هاشم فنانة كتير قد البحر".
شاركت الفرقة في نحو 20 حفلا تنوعت بين مناسبات عامة وحفلات زفاف .
وأوضحت لولو أبو الرب - والدة صبي مصاب بمتلازمة داون ومدربة في فرقة الدبكة :" الهدف من إنشاء الفرقة إنهم أبناءنا أول شيء عم بيتعرضوا لمرض كتير، بيتعرضوا لمرض وعلاجات، علاجات، ضغوطات نفسية، سواء من المحيط، سواء من هون، فأنا صممت وقررت إني أنا أطلعهم من هادي الضغوطات النفسية بناء على تجربتي من ابني، إيش بحب وإيش ما بحب " .

صور من الفيديو - تصوير رويترز