بعد أن تواصل معه العديد من منتجي الموسيقى لتشجيعه على تنمية موهبته.
وقال أحمد سالم، عامل طلاء: "في حد كلمني على الموبايل وقال لي انت ليك فيديو على اليوتيوب لأغنية وردة "بكرة يا حبيبي" والفيديو طالع ترند وقلتله ازاي يعني مش فاهم، ففعلا بدأت افتح عندي الموبايل، لقيت كل شوية مش عارف امسك الموبايل من كتر الاشعرات اللي قاعدة بتيجي عليه، لحد ما التليفون هنج مني."
واضاف أحمد سالم : "يعني ايه فيديو من سنتين انت حاطه على اليوتبيوب وفجأة يطلع ترند، يعني ايه ترند أصلا، احنا بردو في السوشيال ميديا مش متمكنين قوي، فيعني ايه ترند أصلا، طب ايه اللي بعد كده، مش عارف، الموضوع صعب بصراحة."
كان سالم يهوى الغناء منذ أن كان في الثامنة من عمره لكن لم تتح له الفرصة أبدًا لإبراز موهبته، ولكنه الان يحظى سالم بالاهتمام من جمهوره في أول حفل غنائي له ويأمل في بناء مسيرة غنائية مماثلة لمطربين أمثال وردة وأم كلثوم وعبد الحليم حافظ.
واختتم أحمد سالم، قائلاً: "انا مكنتش بحلم أصلا بكده، اللي انا في دلوقتي مكنتش بحلم بيه أصلا، عمر في حياتي ما جيه في بالي، ولا جيه في دماغي اني أوصل للي انا في دلوقتي ده."
صور من الفيديو - تصوير رويترز