وقالت رانيا يوسف في مداخلة مع الإعلامية سارة دندراوي في برنامج "تفاعلكم" المذاع عبر قناة العربية: "المنشور كان على صفحتي الشخصية بيني وبين أصحابي، وكان مجرد استفهام مني لمحمد سلام، في حين إنه لما اعتذر عن المسرحية كان ممكن يعمل ده بكل هدوء بعيدا عن السوشيال ميديا والجدل، وبدون ما يضع الفنانين كلهم في حرج".

وأضافت: "الجدل حول موقف محمد سلام طلعنا كلنا شكلنا مش حلو، وفي الأول والآخر ده شغلنا ومصدر رزقنا الوحيد، وإيه سبب مطالبة الفنانين فقط بوقف شغلهم وليس المهندسين أو العمال أو رجال الأعمال".

وتابعت: "لما تحصل حركة زي دي بيحصل هجوم فظيع على الفنانين، وكان ممكن أحترم موقفه أكثر لو اعتذر قبل يوم السفر لعرض المسرحية، لأن دي فلوس منتج وعمال وتذاكر سفر وفنادق ومسرح، يعني خسائر لناس كثيرة، وكان موقف غريب منه لأنه حصل بعد 21 يوم من ضرب غزة، فكان عنده فرصة أسبوع أو 10 أيام قبلها للاعتذار".

وكانت رانيا يوسف كتبت عبر حسابها الشخصي: "بتفرج علي الكبير اوييي لقيت الزميل محمد سلام بيرقص ويهزر. عايزه اساله يعني عملت مشكله وجدل علشان متروحش مسرحيه ترقص وتهزر فيها، ورحت تعمل كده في مسلسل، طيب وانت بتعمل كده مفكرتش في أهلنا في فلسطين وهتقول ايه لما تقف قدام ربنا هتقوله ايه".

يذكر أن رانيا يوسف يعرض لها في موسم رمضان الحالي مسلسل "بقينا اتنين"، ويشاركها بطولته النجم شريف منير.