سجود نجم نزحت وأطفالها الخمسة من شمال غزة إلى خان يونس منذ أسبوعين تقريباً وتعاني من فقدان الأساسيات، حيث تقول: "صرلي أنا هون بالخيمة 9 أيام يعني أنا حتى بدي حمم أولادي مش عارفة بروح بدي عبي مي بلقيش مي أو إذا لقيت مي يا دوب نص زجاجة بحممهم برا الخيمة بالعراء بمسك زجاجة المي بحاول اغسلهم وأيديهم وجسمهم من الرمل بس يعني أنا مش قادرة حتى أنضف أولادي مش لاقية مي مش لاقية مكان أنضفهم فيه مش لاقي أواعي نضيفة مش لاقية أرض نضيفة أقعدهم عليها أنا خايفة على ولادي ولادي بيسخنوا بالليل ولادي بيسعلوا بالليل ابني الكبير مريض أزمة "ربو".
نجم من بين أربع عائلات أخرى تسكن ذات الخيمة في ظل ضعف الإمدادات والمواد الأساسية، واضافت: "أنا كل يوم بقعد بعيط لأمي على نفسيتي ونفسية ولادي بقلها يا أمي خلص إحنا بدنا نروح نرجع نقعد فوق بيوتنا بدنا نعيش فوق بيوتنا ولو مقصوفة بدنا نعمرها ونحييها من أول جديد بدنا نقعد في بيوتنا ونعمرها خلص بيكفي بكفي حروب نفسيتنا تعبت مضلش فينا مضلش فينا"
الجدير ذكره، ان الغارات الإسرائيلية تسببت بمصرع 5087 فلسطيني بينهم 2055 طفلاً.
صور من الفيديو - تصوير رويترز
