يصنع المصري أحمد القصبجي نسخا من كسوة الكعبة ويطرزها يدويا على غرار ما كانت عائلته تفعل على مدى أجيال تعلم القصبجي ذلك الفن من أبيه الذي توارثه عن جده الذي كان يتولى مسؤولية المحمل الناقل لكسوة الكعبة من مصر إلى مكة لأربع سنوات متصلة من 1923 حتى 1926 .

وقال أحمد القصبجي - صاحب ورشة لتصنيع كسوة الكعبة : "جدي كان مسؤول عن المحمل القديم من سنة 23-24-25-26، وكان تحت ايده عشرة أفراد بيشتغلوا في الكسوة الشريفة. وتعاقبت الحكاية دي ويكفي ان إحنا نقولك لينا الشرف إن الكسوة تخرج من تحت ايدينا ثلاث سنين أو أربع سنين ورا بعض كمان، والدي تعلمها منه وأنا خدتها من والدي وبحاول دلوقتي إن أنا أنقلها كمان لأولادي".

وبعد مرور مئة عام لا تزال عائلة القصبجي تعمل في تصنيع كسوة الكعبة لكن بسلك نحاس بدلا من خيوط الذهب وذلك لكي تبيعها للمسلمين الذين يحتفلون بموسم الحج .

وأضاف أحمد القصبجي - صاحب ورشة لتصنيع كسوة الكعبة : "الكرتون الأول بنثبته بالخيط، بعد كده بنحط الحشو فوق الكرتون وبنشتغل عليه بالخيط بحيث إن احنا نثبته تثبيت كويس. آخر حاجة اللي هي مرحلة السلك أو مرحلة القصب يعنى ممكن بدل السلك بيكون فيه قصب زي الحاجات اللي معايا أو اللي ورايا علشان خاطر برضو ميبقاش التكلفة جامدة على العميل."

 صور من الفيديو - تصوير رويترز