وأشارت إلى أنها تعرضت للهجوم من قبل بسبب هذا الأمر، معلقة: "لما تكلمت عن الموضوع ده الناس خدته في سكة الدجل والشعوذة، لكن العكس صحيح، فلما تكوني قريبة من ربنا بتحسي أن ربنا بيوجهك للسير بطريقة معينة، وهنا كأن ربنا بيدينا رسالة".

وأضافت: "ممكن أحلم باخويا أو اشعر فيه يوم أنه معايا وموجودة، وشوفنا ده في السينما، ليه لا؟".

وعبرت ناهد السباعي عن آسفها من تبرؤ الفنان محمد رمضان من دوره في فيلم احكي يا شهرزاد الذي شاركت فيه مع الفنانة منى زكي.

وأشارت إلى أنها لم تشعر بالندم على أي دور قدمته على الشاشة ومن المستحيل التبرؤ من ما قدمته سابقاً لأن هذا العمل قد يشكل شيئاً كبيراً لباقي فريق العمل من الممثلين والمخرجين وغيرهم.

ووصفت ناهد السباعي فيلم احكي يا شهرزاد قائلة: "فيلم كبير وعايش والناس بتحبه"، معلقة على رد فعل محمد رمضان: "خسارة أنه شايف كده".

ناهد السباعي تكشف مواصفات فارس أحلامها

وحول مواصفات فارس أحلامها ومن ترغب في الارتباط به، قالت ناهد السباعي إنها لا تحب الرجل الغيور، وواصلت حديثها: "أنا ما بحبش الراجل الغيور اللي يقول لي ما تعمليش وما تخرجيش، أنا عايزة راجل وسطي لا متشدد ولا متحرر.. مش عايزة أرتبط بالرجل الغيور لأن طبيعة شغلنا ممكن أنزل من بيتنا الساعة 2 بالليل لإن ممكن يبقى عندنا تصوير الساعة 5 الفجر".

وأضافت ناهد السباعي: "ما ينفعش معايا رجل غيور لكن عايزاه راجل عادي، أنا عايزة راجل زي فريد شوقي وجدتي لما كانت متجوزة جدي عملت أفلام كتير بنحبها ولسه عايشة معانا وهو كان فريد شوقي، بس للأسف مش موجود".