حسن ريماوي مصور فوتوغرافي فلسطيني ، بدأت رحلته في مجال التصوير في أثناء فترة الإغلاق للحد من تفشي كوفيد-19 ليأسره حينها جمال الطبيعة . وقال حسن ريماوي :" "أنا باجي هون مرات مع طلوع الفجر، لازم قبل ما تطلع الشمس أكون هون لاستنى إنه طبعا كمين هذا، وبستنى الطير المعني في سواء بط أو طير معين. لمرات بقعد ثلاث أربع ساعات هون في الوضعية هي ليجي. ومرات للأسف ما بيجي بس استنوا هي شايف هزار أزرق الزور خليني ثانية بس".

لدى ريماوي اهتمام خاص بالطيور التي يلتقط صورا لها، لكن الحياة البرية كلها تجذب عدسات كاميراته الخاصة، فهو يحب التقاط صور عن قرب لتجسيد الحياة اليومية لهذه المخلوقات ، وقال :"  "برفعها على السوشيال ميديا (وسائل التواصل الاجتماعي) على أكاونتي (حسابي) الخاص على التيك توك وعلى إنستجرام. طبعا بهدف أول إشي تعريف الناس بأنواع الطيور الموجودة في بلادنا، بالحيوانات الموجودة، ممكن طير معين بوزيشن (وضع) معين ليش عامل هذال البوزيشن".
واضاف :" "التنوع موجود في فلسطين تنوع تقريبا نحكي عنه مش موجود في العالم في هاي المساحة لحجم فلسطين، عنا طيور مهاجرة، فطبعا فلسطين تعتبر محطة للطيور المهاجرة صيفا وشتاء وربيعا وخريفا".
يعمل ريماوي مصورا صحفيا منذ عام 2013، إلى جانب وظيفته اليومية كتاجر، ويأمل أن يحول التصوير الفوتوغرافي للطبيعة من هواية يحبها إلى مهنة يحترفها .

صورة من الفيديو - تصوير : رويترز