صورة للتوضيح فقط - تصوير: porcorex - istock

 - واحد ربح مليون ليرة راح لعند مرتو عم يخبرها، قام إجتها أزمة قلبية وماتت، قال: الحمد لله يا ربي شلون بتبعت الخير دفعة وحدة!

- اثنين تنابل (كسلانين) قال الأول للثاني يا ريت في عنا زر بنكبسه بيطلعلنا كل شي بدنا ياه، قاله الثاني يا ريت هالزر بينكبس لحاله

-عجوز عصبية وبتتذمر من كلشي، وقعت في يوم من الأيام، قام قالت لحالها: بتستاهلي خرجك الله لا يقيمك.

- واحد ندل شاف واحد بيغرق وبيناديله كرمال الله ساعدني، قام قاله سامحني يا أخي هاد يومك شو إعملك أنا؟

-محشش حب يعمل تجربـه زي العلماء راح جاب حمامه و قالها “هش” طارت، اليوم الثاني جاب حمامه قص ريشها و قالها “هش هش هش” ما طارت! قام كتب ملاحظــة: عندما نقص ريش الحمامــة فإنها لا تسمع.